Scapece est conditura piscium Callipoli in urbe et per agrum Sallentinum usitata. Pisces ex hac conditura per vias et in nundinis venditantur.
Nomen ex Arabico mediaevali sikbāj provenit, sicut scabeccio Liguro et escabeche (Latine "scapeta") Catalauno. Methodus autem, multo antiquior quam ea mediaevalia nomina, iam apud Apicium descripta est: "Ut pisces fricti diu durent: Eodem momento quo friguntur et levantur ab aceto calido perfunduntur."[1]